Salom, Toshkent!
Bugun yakshanba, 4-oktabr. Tog‘oralar bilan birga soyabonlarni ham tayyorlaymiz: vaqti-vaqti bilan yomg‘ir kutilmoqda, kunduzi +22…+24°, kunning ikkinchi yarmida +17…+19° gacha salqinlashadi. Shamol 10–14 m/s gacha kuchayishi mumkin
Uzoqroqqa chiqayotgan bo‘lsangiz, kurtka oling — kechqurun asqatadi
Choy dam yeguncha, kecha shaharda nima bo‘lgani, bugun nimaga tayyorlanish va qayerga borish mumkinligini ko‘ramiz
Varaqlang, hammasini tartib bilan yig‘dik
Kecha nimalar bo‘ldi?
3-oktabrdagi shahar xabarlaridan boshlaymiz
▫️ Yo‘qolgan bola topildi! Kecha Toshkentda qidirilgan besh yoshli bola Yangiyo‘lda tirik topildi. Tashkent Land xabariga ko‘ra, ahvoli yaxshi, yaqinlari uni olib kelishga ketgan. Qidiruv e’lonini boshqa tarqatish shart emas
▫️ Yangihayot yorishadi. Yetti mahallada ko‘cha yoritilishi yangilanyapti: 2393 ta LED chiroq o‘rnatish rejalashtirilgan. Chortoq, Xo‘ja Uchqun, Xushnud va Jaloyirda ishlar boshlangan, deb kecha hokimiyat xabar berdi
▫️ Qurilayotgan masjiddagi yong‘in o‘chirildi. Kecha Yangihayotdagi Qipchoq ko‘chasida «Quddus Sharif» masjidi yongan. FVBga tayangan xabarga ko‘ra, yong‘in 12:04 da bartaraf etilgan. Jabrlanganlar yo‘q
Bugun nimalar muhim
▫️ Yangi yo‘lkira. Shu hafta ilk bor avtobus yoki metroga chiqayotganlar uchun: 1-oktabrdan bir martalik elektron to‘lov 2500 so‘m. Infokiosk orqali naqd to‘lansa — 3000. Transport kartangiz balansini tekshiring
▫️ Avtobusga chiqish bilan to‘laymiz. Tashuvchi ogohlantiryapti: tekshiruvda nazoratchilar validatorlarni bloklashi mumkin. «Hozir o‘tirib olay, keyin to‘layman» degan yo‘lni sinamagan yaxshi. Chiqishda to‘lab, keyin xotirjam ketamiz
▫️ Tog‘ga safarni kechiktirgan ma’qul. 4–5-oktabrga O‘zgidromet ogohlantirish berdi: tog‘oldi va tog‘li hududlarda sel va toshqin xavfi bor. Ro‘yxatda Bo‘stonliq, Parkent va Ohangaron ham bor. Sayohatni prognozi osoyishtaroq kunga ko‘chirgan yaxshi
Shahardagi tadbirlar
Yomg‘irli yakshanba uchun to‘rtta reja
▫️ HandFest: mahalliy ustalar ishlari
Yunusabad Gallery’da taqinchoq, sham, kiyim va qo‘l mehnati buyumlari. Sovg‘a tanlash mumkin
Vaqti: 10:00–22:00
Narxi: kirish erkin
Manzil
▫️ Bo‘laklardan manzara tuzamizmi?
Zamonaviy san’at markazida «Manzara» kollaj ustaxonasi. Tasvir va materiallar bilan tajriba. 0+
Vaqti: 12:00
Narxi: bepul
Manzil
▫️ Me’mor Marina Tabassumni tinglash
CCA’da uning loyihalari va me’morchilikni boshlab beradigan g‘oyalar haqida suhbat
Vaqti: 13:00
Narxi: bepul
Manzil
▫️ «Sevishganlar» katta ekranda
CCA Elyor Ishmuhamedov filmini o‘zbek tilida namoyish etadi
Vaqti: 18:00
Narxi: bepul
Manzil
Yakshanbangiz yaxshi o‘tsin! «Gotovim Taziki»ga obuna bo‘ling, botni yaqinlaringizga ulashing — ular ham shahar kutilmaganliklariga tayyor bo‘lsin 💛